🟡 BBSA GOLD WEEKLY

Алтны зах зээлийн 7 хоногийн тойм

2026 оны 6 дугаар сарын 15

🧭 Гол дүгнэлт

Өнгөрсөн долоо хоног алтны зах зээлд өндөр савлагаа үргэлжиллээ.

Алт долоо хоногийн турш ойролцоогоор $4,040-$4,380 хооронд хэлбэлзэж, долоо хоногийн эхний уналтын дараа техникийн чухал түвшин болох 200 хоногийн хөдөлгөөнт дундаж (200 DMA) орчимоос доош унасны дараа Ираны дайн дуусаж буй талаарх мэдээллүүдийн дараа эргэн өсөж тогтворжив.

Зах зээл геополитикийн эрсдлээс илүүтэйгээр Холбооны Нөөцийн Сангийн бодлого, бодит өгөөж болон ам.долларын хөдөлгөөнд төвлөрсөн хэвээр байна.

📈 Техникийн төлөв

200 хоногийн хөдөлгөөнт дундаж

Алтны ханшийн уналт өмнөх 2 сард очсон хамгийн доод цэг болох 4050-4100 орчимд саарч, худалдан авагчид эргэн орж ирсэн нь урт хугацааны өсөх чиглэл бүрэн эвдрээгүй байгааг харуулж байна.

RSI

RSI үзүүлэлт өмнөх хэт халсан бүсээс бууж, төвийг сахисан түвшин рүү шилжиж байна.

Энэ нь зах зээл дэх хэт өөдрөг байрлал цэвэрлэгдэж, илүү тогтвортой суурь бүрдэж байгааг илтгэнэ.

Богино хугацааны хүрээ

Одоогийн байдлаар алт:

$4,100-$4,450

хооронд хэлбэлзэх магадлал өндөр байна.

📊 ETF урсгал

Алтны ETF сангуудын урсгал өмнөх саруудын хүчтэй өсөлтөөс саарч байгаа боловч нийт хөрөнгө оруулалтын хэмжээ өндөр хэвээр байна.

Томоохон институцийн хөрөнгө оруулагчид зах зээлээс бөөнөөр гараагүй бөгөөд ETF эзэмшил харьцангуй тогтвортой байна.

Энэ нь урт хугацааны хөрөнгө оруулагчид алтны байр сууриа хадгалж байгааг харуулж байна.

🏦 Төв банкууд

Алтны хамгийн хүчтэй суурь дэмжлэг хэвээр байгаа хүчин зүйл бол төв банкуудын худалдан авалт юм.

2026 оны эхний улиралд төв банкууд нийт:

244 тонн

алт худалдан авсан байна.

Польш, Узбекистан болон хөгжиж буй зах зээлийн төв банкууд худалдан авалтыг үргэлжлүүлсээр байна.

Дэлхийн валютын нөөцийн бүтэц аажмаар өөрчлөгдөж байгаа бөгөөд олон улсын төв банкууд ам.долларын төвлөрлөө бууруулах бодлогоо үргэлжлүүлж байна.

🏛️ FOMC – Энэ долоо хоногийн гол үйл явдал

Энэ долоо хоногийн хамгийн чухал үйл явдал бол Холбооны Нөөцийн Сангийн FOMC хурал юм.

Зах зээл бодлогын хүү өөрчлөгдөхгүй гэж бараг бүрэн үнэлсэн байгаа.

Гэвч хөрөнгө оруулагчид дараах асуултад хариулт хайж байна:

👉 Энэ онд хэдэн удаагийн хүү бууралт болох вэ?

Хэрэв Холбооны Нөөцийн Сан:

🔴 Инфляцын эрсдэл өндөр хэвээр гэж үзвэл алтанд дарамт болно.

Харин:

🟢 Эдийн засгийн өсөлт саарч байна гэсэн дохио өгвөл алтанд эерэг нөлөө үзүүлнэ.

Одоогийн байдлаар алтны зах зээлийн хамгийн чухал хөдөлгөгч хүчин зүйл нь геополитик бус, мөнгөний бодлого болоод байна.

⛽ Газрын тос ба алт

Сүүлийн саруудад алт ба газрын тосны уламжлалт эерэг хамаарал мэдэгдэхүйц суларлаа.

Өмнө нь:

Тос өсөх → Инфляц өсөх → Алт өсөх

гэсэн хамаарал давамгайлдаг байсан.

Харин өнөөдөр:

Тос буурах → Инфляц буурах хүлээлт нэмэгдэх

гэсэн нөхцөл үүссэн ч алт төдийлөн хүчтэй өссөнгүй.

Шалтгаан нь:

• Бодит өгөөж өндөр хэвээр байна
• Ам.доллар хүчтэй хэвээр байна
• Зах зээл FOMC-ийн шийдвэрийг хүлээж байна

Өөрөөр хэлбэл өнөөгийн зах зээлд газрын тосноос илүү Холбооны Нөөцийн Сангийн бодлого алтны ханшийг тодорхойлж байна.

🌍 Геополитик

АНУ-Ираны хоорондын хурцадмал байдал намжиж, олон улсын хэвлэлүүд энхийн тохиролцооны талаар мэдээлж эхэллээ.

Үүний үр дүнд:

• Газрын тосны үнэ буурсан
• Геополитикийн нэмэлт эрсдэлийн шимтгэл багассан
• Алтанд байсан аюулгүй хөрөнгийн эрэлт тодорхой хэмжээнд буурсан

Гэсэн хэдий ч зах зээл энэ мэдээнээс илүү FOMC-ийн үр дүнг анхаарч байна.

🇮🇳 Энэтхэгийн алтны зах зээл

Энэтхэг улс алтны импортын татвараа нэмэгдүүлж, импортын урсгалыг сааруулах бодлого баримталж байна.

Үүний зорилго:

• Худалдааны алдагдлыг бууруулах
• Валютын нөөцийг хамгаалах
• Рупийн ханшид үзүүлэх дарамтыг бууруулах

Богино хугацаанд энэхүү арга хэмжээ нь физик эрэлтийг бууруулах эрсдэлтэй.

Гэвч урт хугацаанд:

• Алтны дахин боловсруулалт нэмэгдэх
• Хөрөнгө оруулалтын зориулалттай алтны эрэлт өсөх
• Албан бус импорт нэмэгдэх

магадлалтай хэвээр байна.

📅 Ирэх 7 хоногийн эдийн засгийн хуанли

FOMC шийдвэр

⭐⭐⭐⭐⭐

Холбооны Нөөцийн Сангийн мэдэгдэл

⭐⭐⭐⭐⭐

Жером Пауэллийн хэвлэлийн бага хурал

⭐⭐⭐⭐⭐

Retail Sales

PMI үзүүлэлтүүд

Jobless Claims

📊 BBSA Sentiment Indicator

Үзүүлэлт	Төлөв
Төв банкны эрэлт	🟢 Маш хүчтэй
ETF урсгал	🟡 Тогтвортой
Ам.доллар	🔴 Сөрөг
Бодит өгөөж	🔴 Сөрөг
Геополитик	🟡 Саарч байна
Техникийн төлөв	🟡 Тогтворжиж байна
Физик эрэлт	🟢 Дэмжлэгтэй

BBSA Sentiment Score

🟡 57 / 100

🎯 BBSA GOLD SIGNAL

🟡 HOLD / ХЭСЭГЧЛЭН ХУДАЛДАН АВАХ

Төв банкуудын эрэлт болон урт хугацааны суурь хүчин зүйлүүд хэвээр байгаа боловч ойрын хугацаанд FOMC-ийн шийдвэр зах зээлийн гол чиглэлийг тодорхойлох төлөвтэй байна.

🔥 BBSA LINE

“Ираны эрсдэл буурлаа. Одоо алтны зах зээлийг Холбооны Нөөцийн Сангийн бодлого удирдана.”

Эх сурвалж

• Reuters
• World Gold Council
• Kitco News
• Metals Daily
• J.P. Morgan Research
• CME FedWatch
• Investing.com