Долоо хоногийн тойм

Зах зээлийн мэдээ

2026-05-31

🟡 BBSA GOLD WEEKLY

Алтны зах зээлийн 7 хоногийн тойм

🧭 Гол дүгнэлт

Алт өнгөрсөн 7 хоногт хүчтэй савлагаатай байсан ч зах зээл харьцангуй тогтворжив.

Ханш долоо хоногийн үеэр $4,360 орчим түвшин хүртэл буурсан боловч техникийн чухал бүс болох 200 хоногийн хөдөлгөөнт дундаж (200 DMA) дээр дэмжлэг авч эргэн сэргэв.

👉 Энэ нь урт хугацааны өсөх чиглэл одоогоор эвдрээгүй байгааг харуулж байна.

📊 Зах зээлийн төлөв

Одоогийн байдлаар алт:

$4,400 – $4,800

хооронд хязгаарлагдмал хүрээнд хэлбэлзэх магадлал өндөр байна.

Түвшин	Ач холбогдол
$4,360	Сүүлийн доод түвшин
$4,400	Гол дэмжлэг
$4,800	Гол эсэргүүцэл

👉 Зах зээл шинэ чиглэл сонгохоосоо өмнө хүч хуримтлуулж буй төлөв ажиглагдаж байна.

📈 Техникийн үзүүлэлтүүд

200 хоногийн хөдөлгөөнт дундаж

Алтны ханшийн уналт:

👉 200 DMA орчимд зогсож дэмжлэг авлаа.

Энэ нь институцийн хөрөнгө оруулагчдын анхаардаг хамгийн чухал техникийн үзүүлэлтүүдийн нэг юм.

RSI

Хэт халсан бүсээс гарч:

төвийг сахисан түвшин рүү шилжиж байна
борлуулалтын дарамт буурч эхэлжээ

Зах зээлийн бүтэц

Ашиг түгжих хөдөлгөөн ихэнхдээ явагдсан
ETF урсгал тогтворжиж байна
Төв банкуудын эрэлт хэвээр байна

👉 Богино хугацаанд хажуу хөдөлгөөн давамгайлах магадлал өндөр.

🔑 ETF сангууд

Дөрөвдүгээр сард дэлхийн алтны ETF сангууд:

+45 тонн

+6.6 тэрбум ам.долларын

цэвэр хөрөнгө татлаа. (World Gold Council)

Сонирхолтой нь:

Европ хамгийн хүчтэй худалдан авагч байсан
Хойд Америкийн урсгал дахин эерэг болсон
Азийн хөрөнгө оруулалт тасралтгүй өссөөр байна

Мөн өнгөрсөн долоо хоногт ETF урсгал дөрөвдүгээр сараас хойш анх удаа дахин эерэг болж эхэлжээ. (Kitco)

👉 Албадмал борлуулалтын үе шат үндсэндээ дуусч буй дохио харагдаж байна.

🏦 Төв банкууд

Goldman Sachs-ийн шинэчилсэн тооцоогоор төв банкуудын худалдан авалт өмнөхөөс хавьгүй өндөр байгаа нь тогтоогдлоо.

Одоо:

Сард дунджаар ~60 тонн

алт худалдан авах төлөвтэй байна. (Kitco)

👉 Валютын нөөцөө ам.доллараас төрөлжүүлэх үйл явц үргэлжилж байна.

Хятадын төв банк 17 сар дараалан алт авч байгаа нь зах зээлд бат бөх доод тулгуур болж ажиллаж байна. Goldman ($5,400), JPMorgan ($6,300), UBS ($5,500) зэрэг томоохон банкуудын жилийн эцсийн зорилт өндөр хэвээр байгаа нь урт хугацааны сэтгэл санаа bullish хэвээр гэдгийг харуулж байна.

⛽ Газрын тос ба алт

Ираны 60 хоног гал зогсоох асуудал хүллэгдэж байна. Зах зээл нааштай хүлээлттэй байгаа нь тосны үнийг буулгалаа. Сүүлийн саруудад хамгийн сонирхолтой өөрчлөлт энд ажиглагдаж байна.

Өмнө нь:

Газрын тос өсөхөд алт өсдөг байсан.

Гэвч одоо нөхцөл байдал өөр байна.

Яагаад тос буурахад алт хүчтэй өсөхгүй байна вэ?

Учир нь зах зээл одоо геополитикоос илүү:

инфляц,
бодлогын хүү,
бондын өгөөж

дээр төвлөрч байна.

Тосны үнэ сүүлийн үед буурсан ч:

бодит хүү өндөр хэвээр,
ам.доллар харьцангуй хүчтэй,
Холбооны Нөөцийн Сангийн хүү бууруулах хүлээлт сул хэвээр байна.

Тиймээс:

👉 Тос буурлаа гээд алт автоматаар өсөхгүй байгаа юм.

Өөрөөр хэлбэл алт ба газрын тосны уламжлалт хамаарал сулраад байна.

Одоогийн зах зээл:

тосыг инфляцын үзүүлэлт,
алтыг мөнгөний бодлогын үзүүлэлт

гэж илүү ялгаж үнэлж эхэлжээ.

Иймээс алтны хөдөлгөөнд одоогоор газрын тосноос илүү бодит хүү нөлөөлж байна. (Kitco)

🇮🇳 Энэтхэгийн импортын татвар

Энэ долоо хоногийн хамгийн чухал мэдээний нэг.

Энэтхэг:

Алтны импортын татварыг

6%-аас 15% болгон нэмэгдүүлэв.

Энэ нь түүхэн дэх хамгийн том өсөлтүүдийн нэг болж байна. (World Gold Council)

Яагаад нэмэгдүүлэв?

Шалтгаан:

Валютын нөөц хамгаалах
Импорт бууруулах
Рупийн ханшийн дарамтыг бууруулах

Энэтхэг жил бүр:

800–900 тонн

алт импортолдог бөгөөд дэлхийн хамгийн том хэрэглэгчдийн нэг юм. (The Economic Times)

Алтанд ямар нөлөөтэй вэ?

Богино хугацаанд:

🔴 Эрэлт саарах эрсдэлтэй

Гэвч урт хугацаанд:

Албан бус импорт өсөх,
Дотоодын үнэд нэмэлт дарамт үүсэх,
ETF болон санхүүгийн алтны эрэлт нэмэгдэх

магадлалтай байна. (World Gold Council)

World Gold Council-ийн тооцоогоор:

Энэтхэгийн алтны эрэлт

ойролцоогоор 50–60 тонноор буурч болзошгүй байна. (World Gold Council)

📅 Ирэх 7 хоногийн анхаарах үзүүлэлтүүд

Даваа

Үйлдвэрлэлийн PMI

Лхагва

Үйлчилгээний PMI

Баасан

АНУ-ын хөдөлмөрийн зах зээлийн тайлан

Зах зээлийн гол асуулт:

👉 АНУ-ын хөдөлмөрийн зах зээл хөрж эхэлж байна уу?

Сул үзүүлэлт гарвал:

🟢 Алтанд эерэг

Хүчтэй хэвээр байвал:

🔴 Хүү өндөр хэвээр байх хүлээлт нэмэгдэнэ.

📊 BBSA Сэтгэлзүйн Индикатор

Үзүүлэлт	Төлөв
ETF урсгал	🟢 Сайжирч байна
Төв банкны эрэлт	🟢 Маш хүчтэй
Ам.доллар	🔴 Сөрөг
Бодит хүү	🔴 Сөрөг
Техникийн төлөв	🟡 Тогтворжиж байна
Биет эрэлт	🟢 Тогтвортой